Cebuano: DAR mitunol sa Php9.7 Milyones nga sugang dagitab sa Sitio Kamingawan

Photo shows the signing of Certificate of Hand-over documents: from left: DAR CPMO – Yanie Barcenas (for in behalf of Reuben T. Quejas); CARPO Judith M. domingo (for in behalf of PARO II Andre B. Atega); Brgy. Captain David G. Abrenica (for in behalf of Mayor Fedil E. Garcia of Tubay); and Melindo Libreno of RAM-SPOTS.

DAR-Agusan del Norte (17 Sept) –usa ka Solar Power nga proyekto ang gitunol sa Departamento sa Repormang Agraryo kon DAR – Solar Power Technology Support (SPOTS) sa lumulopyo sa halayong dapit sa Sitio Kamingawan sa Brgy. Telesfora sa Lungsod sa Tubay, Agusan del Norte nga diin nagkantidad kini sa kapin Php9.7 milyones ka pesos, niadtong Septyembre 10, 2008.

Ang simpleng seremonyas gi-tambungan ni Mr. Edgar Palarca, Jr., isip representante ni Governor Erlpe John M. Amante; Brgy. Captain David G. Abrenica isip representante ni Mayor Fidel E. Garcia sa lungsod sa Tubay; DAR Central Project Management Office nga girepresentahan ni Yanie Barcenas; sa DAR Regional ug Provincial offices nga gipangunahan ni CARPO Judith M. Domingo isip representante ni PARO II Andre B. Atega, nga sa laing bahin adunay panagtigum nga giapilan sa susama usab nga adlaw, dungan niini ang pagpasiga sa sugang dagitab ug pag-tunol sa hand-over documents ug Certificate of Project Ownership ngadto sa benepesyaryo sa Sitio Kamingawan pinaagi sa Rizalian Association of Mercy (RAM-SPOTS)nga maoy nagdumala ug nag-mentinar sa naasoy nga proyekto.

(Above) Photo shows the Communal Street Lighting that supplies the power to streets for 12 hours from 6pm to 6am. (inset) The Solar Home Lighting System (SHLS) provides light to the homes for 18 hrs. daily.

Ang maong proyekto gilangkuban kini sa AC10, Communal Lighting System (CLS), Barangay Hall Lighting (BHL), Barangay Health Center (BHC) and Seventy (70) Solar Homes Lighting System (SHLS) ug eskwelahan.

Ang AC10 nga Solar Power, nagkantidad sa Php3.6-M, og naghatag og kuryente sa mga ekwepo sama sa mini-theatre, refrigerator, dream cable satellite ug wood lathe.

Ang Solar Home Lighting System (SHLS) naghatag og kuryente sa matag panimalay sulod sa 18 ka oras matag adlaw. Naghatag usab kini og kuryente sa Brgy. Hall, Brgy Health Center, Schools ug Chapel. Ang Cummonal Street Lighting naghatag usab og kahayag sa kadalanan panahon sa kagabhi-on sulod sa 12 ka oras gikan sa alas sais sa hapon paingon sa alas sais sa buntag.
Gawas sa Solar Packages, Aduna usab Agri-Support Project nga mukabat sa Php486,910.00, isip ayuda sa RAM-SPOTS sa pag implementar sa operasyon ug pagmentinar sa naasoy nga teknolohiya. Gilangkuban kini sa Horse Transportation Services, Black Pepper Production, Stripping Machine, Weighing Scale (Vascula), Woodworking Tools, Mini-Theatre (TV, DVD Player, Karaoke & Dream Cable Satellite) ug Grocery Store.
Si Edgar Palarca, Jr., isip representante ni Governor Amante, mitumbok sa usa ka pamahayag nga ang DAR isip usa ka kaabag sa LGU sa pagpalambo ug paghataq sa sugang dagitab sa mga lisod ug halayong lugar dinhi sa probinsya dili lamang sa Sitio Kamingawan apan usab sa mga Munisipyo sama sa Buenavista, Nasipit, Jabonga ug Santiago. Dugang pa niya, tungod sa kalayo ug kaguba sa dalan, nag-antos pag-ayo sa kakulangon sa ayuda sa gobyerno ang mao nga dapit. Apan niining higayona, pinaagi sa tabang sa DAR-SPOTS ug ayuda sa lokal nga panggamhanan natuman na gayud ang dugay na nilang yangungo nga sugang dagitabnon.
Si Kapitan David G. Abrenica, nagkanayon, “isip benepesyaryo sa Solar Packages nga nagkantidad og Php9.7-M, akong ipadangat ang among mainiton nga pag-pasalamat ngadto sa atong Presidente Gloria Macapagal-Arroyo ug sa DAR”. Dugang pa niya, “pinaagi usab sa supporta ug paningkamot sa probensya ug munisipyo sa Tubay, ang maong proyekto nahimong malampuson”

Dugang pa ni Abrenica, nga ang Solar Packages dako og tabang sa Sitio Kamingawan. Tungod niini ang RAM-SPOTS ug katawhan niini magmalamboon ug magmauswagon sa panginabuhian pinaagi sa ilang bag-ong teknolohiya nga makatabang sa pagpalambo sa ilang panginabuhian.
Matud pa ni Nelia Cabilogan, Mun. Agrarian Reform Officer sa Tubay, “ang DAR Solar Power Technology, usa ka proyekto nga gi-donar gikan sa gobyerno sa nasud sa Espanya.”, Dugang pa niya, “ang DAR-SPOTS usa lamang sa 10-point agenda nga nakahan-ay ubos sa panggamhanan ni Presidente Arroyo nga mahatagan og sugang dagitabnon ang halayo ug lisod abton nga dapit sa tibook pilipinas.”

Niadtong buwan sa Agusto atong mahinumdoman nga gitugyanan usab og Solar Power Packages ang mga residente sa Tribal Brgy. Lawan-Lawan ug Sitio Subait sa Brgy. Bonifacio sa lungsod sa Las Nieves, Agusan del Norte nga nagkantidad kapin sa Php6.3 milyones ka pesos.